忽冷忽熱的天氣

尋日一早起身就喉嚨痛，以為無咩野啦，點知搭車入屯門時訓左一覺再起身就出事啦，我又發燒啦，點解嫁？真係要保重身體＝孝順父母！好彩番屋企訓一覺起身又無事lu!　一位舊同事係屯門置業，地方真係好見洗，同一價錢真係多成一百尺地方有多，不過交通費很貴，住開屯門又唔同講法！Anyway,　話禁快又到左２００６年的最後一日，最最希望大家都身體健康，世界和平，知足者，貧亦樂！何況我都唔係好貧姐！HA HA！

燒雞翼，我鐘意食！

今日跟阿媽，阿姨和表妹到泥涌燒野食，天氣剛剛好，唔多曬，有些北風，雖然起爐花左D時間,但各人都吃得很高興！百佳的蒜蓉豬扖和雞翼真不錯，蜜汁差燒更加無得頂！一年BBQ一兩次都幾好！

到川龍飲啖茶，食個包

荃灣川龍以山水沏茶和大包（雞肉）聞名，由加茶葉到沖水以致取點心整個過程自己來，老細真係慳番唔小！飲飽食醉之後梗係要運動下啦，這裡的有機西洋菜都好搶手嫁，真係手快有手慢無（晏左去都買唔到）！沿住馬路走約十分鐘就到達行程起點，經過兩個多小時腳程終於到達城門水塘搭小巴落番荃灣千色店！（全程沿著引水道走，一定唔會行錯路！）

Boxing day! (ボクシング日)

尋晚睇左一場令人失望的演唱會，遲到，早退不特止，佢仲偷工減料兼偷懶！算啦，或者佢已經準備退休，不再理會自己演出的水準，不過做野應該好頭好尾ma！Anyway, 紅館的坐椅太迫了，不會再見！

Merry X'mas!

The above Mosaic was created thru http://bighugelabs.com/flickr/ . All you have to do is sign in for an Yahoo account. Try this. It's really fun and there are a lot of other features to play with!

平安夜

今日同阿媽去大水坑行下（梅子林），十點十五分先起步，估唔到仲見到兩位稀客，佢地分別係黑臉噪鶥（一家大細）和紅嘴藍鵲（一對），之後沿住城門河行去新城市廣場，途中有好多人跑步和騎單車，仲見到中大的學生練賽艇！好一個陽光普照的平安夜！

最佳女歌手

這張大碟於１９８３年推出，即Karen Carpenter死後九個月！
想了解她多一點可以到這裡http://en.wikipedia.org/wiki/Carpenters

風涼水冷

今日個個所謂聖誕大餐真係”渣”,獎品更加係cheap,我仲要無份早走tim,好彩有補鐘,一定唔會"sit"比佢!

惡人有惡報？

既然不能將某人調走，我就只有改變自己繼續適應！寄望明年的大裝修，大執位! 衰人，遠離我!

Camouflage迷彩

我很享受編織的過程，希望以後技術精進一點，織物可以多元化一點，不只局限於頸巾和小背心啦!

十二月某天!

今日下午去左大埔松仔園(大埔墟火車站搭廿蚊綠的),見到好多人揸住部相機影呀影，影個不停! 睇真D原來係工聯會的攝影班在上堂!之後到大埔滘走走，一路都很少遊人，間中有幾個攝影發燒友和一家大小，不過感覺真係好舒服，吸多幾啖新鮮空氣先，正!回程時搭小巴返新城市廣場途經中大，又係影畢業相的時候．晚餐係小巴黎的香茅豬扖凍檬加檸七，最後仲係西田買到一個六折的易潔鑊tim. 明天繼續努力工作，期待著月尾的聖誕假期喔! ; D

有無份呢?

今朝聽新聞報導，明年公務員有可能加薪兩次，唔知成數高唔高呢? 就快聖誕節lu, 人越大越無感覺，係我無情趣嗎??? Anyway, 有幾日假期都唔錯!